محکمہ موسمیات کی پیشگوئی کے مطابق ایک کمزور مغر بی ہواؤں کا سلسلہ 16 جنوری سے ملک کے بالائی علاقوں میں داخل ہوگاجو 19 جنوری تک برقرار رہے گا، اس سلسلہ کی شدت میں 20 جنوری سے اضافہ متوقع جو 21 جنوری سے ملک کے بیشتر حصوں کو اپنی لپیٹ میں لے گا۔ اس موسمی نظام کے زیرِ اثر:

• 16 (شام/رات)سے 19 جنوری کے دوران گلگت بلتستان (دیامر، استور، غذر، اسکردو، ہنزہ، گلگت، گانچھے، شگر)، کشمیر (وادیٔ نیلم، مظفرآباد، پونچھ، ہٹیاں، باغ، حویلی) اور بالائی خیبر پختونخوا (چترال، دیر، سوات، کالام، شانگلہ، کوہستان، بٹگرام، مانسہرہ، ایبٹ آباد، ہری پور اور بونیر) میں وقفے وقفے سے تیز ہواؤں اور گرج چمک کے ساتھ بارش جبکہ ہلکی سے درمیانی برفباری کا امکان ہے۔ 18 سے 20 جنوری کے دوران مری، گلیات اور گردونواح میں بھی ہلکی بارش/برفباری متوقع ۔
• 20 سے 23 جنوری کے دوران گلگت بلتستان، کشمیر، مری، گلیات، اسلام آباد، خطۂ پوٹھوہار، سرگودھا، گوجرانوالہ، لاہور، ساہیوال، ملتان، فیصل آباد، ڈیرہ غازی خان اور بہاولپور ڈویژن کے اضلاع جبکہ پشاور، ہزارہ، مالاکنڈ،مردان، کوہاٹ، بنوں اور ڈیرہ اسماعیل خان ڈویژن کے اضلا ع میں اکثر مقامات پر وقفے وقفے سے تیز ہواؤں اور گرج چمک کے ساتھ بارش کا امکان ۔ 20 جنوری (رات) سے 23 جنوری کے دوران چترال، دیر، سوات، کالام، شانگلہ، کوہستان، بٹگرام، مانسہرہ، ایبٹ آباد، مری، گلیات، وادیٔ نیلم، باغ، حویلی اور راولاکوٹ میں شدید برفباری متوقع ۔
• 21 اور 22 جنوری کے روز بلوچستان (کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی، موسیٰ خیل، تربت، گوادر، جیوانی، لسبیلہ، کیچ، آواران، چاغی، پنجگور، خضدار، واشک اور خاران) جبکہ 22 اور 23 جنوری کو سندھ (کراچی، حیدرآباد، دادو، جیکب آباد، نوشہرو فیروز، کشمور، لاڑکانہ، شہید بینظیرآباد، میرپورخاص اورگھوٹکی) میں تیز ہواؤں اور گرج چمک کے ساتھ وقفے وقفے سے بارش متوقع۔اس دوران کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی اور ژوب میں درمیانی سے شدید برفباری کا امکان۔

ممکنہ اثرات اور احتیاطی تدابیر

• 21 جنوری (رات) سے 23 جنوری کے دوران شدید برفباری کے باعث ناران، کاغان، دیر، سوات، کالام، چترال، کوہستان، مانسہرہ، ایبٹ آباد، شانگلہ، استور، ہنزہ، اسکردو، مری، گلیات، وادیٔ نیلم، باغ، پونچھ، حویلی، کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی اور ژوب میں سڑکوں کے بند ہونے اور پھسلن کی وجہ سے ٹریفک کی روانی میں خلل کا اندیشہ۔
• بالائی خیبر پختونخوا، کشمیر اور گلگت بلتستان کے پہاڑی علاقوں میں لینڈ سلائیڈنگ/برفانی تودے گرنے کا خطرہ۔
• اس دوران سیاحوں کو محتاط رہنے اور غیر ضروری سفر سے اجتناب کی ہدایت۔
• بارش کے سلسلے کے دوران پنجاب، خیبر پختونخوا اور بالائی سندھ میں دھند کی شدت میں کمی کا امکان ۔
• اس دوران دن کے درجہ حرارت میں نمایاں کمی متوقع۔

تا زہ ترین معلو مات کے لئے www.pmd.gov.pk, پاک ویدر ایپلی کیشن