محکمہ موسمیات کی پیشگوئی کے مطابق مغربی ہواؤں کا سلسلہ 19 دسمبر کو بلوچستان میں داخل ہوگا اور 20 دسمبر کو بالائی علاقوں کو اپنی لپیٹ میں لے گا۔ اس موسمیاتی نظام کے زیر اثر:

بلوچستان:

19 (شام) سے 20 دسمبر کے دوران کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، موسیٰ خیل، تربت، گوادر، جیوانی، لسبیلہ، کیچ، آواران، پنجگور، خضدار، واشک، چاغی، خاران اور قلات میں تیز ہواؤں اور گرج چمک کے ساتھ بارش جبکہ پہاڑوں پر برفباری کا امکان۔

خیبر پختونخوا:

20 (رات) سے 22 دسمبر کے دوران چترال، دیر، سوات، شانگلہ، کوہستان، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک، ڈیرہ اسماعیل خان، ٹانک اور کوہاٹ میں تیز ہواؤں اور گرج چمک کے ساتھ وقفے وقفے سے بارش جبکہ بالائی علاقوں میں درمیانی درجے کی برفباری کا امکان۔

گلگت بلتستان / کشمیر:

20 (رات) سے 23 (صبح) دسمبر کے دوران گلگت بلتستان (دیامیر، استور، غذر، سکردو، ہنزہ، گلگت، گانچھے، شگر) اور کشمیر (وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) میں تیز ہواؤں اور گرج چمک کے ساتھ وقفے وقفے سے بارش اور درمیانی درجے کی برفباری کا امکان۔ بعض مقامات پر شدید برفباری کی بھی توقع۔

پنجاب / اسلام آباد:

20 (شام) سے 21 دسمبر کے دوران اسلام آباد/راولپنڈی، خطہ پوٹھوہار، میانوالی، بھکر، نورپورتھل اور لیہ میں تیز ہواؤں اور گرج چمک کے ساتھ بارش کا امکان۔ 20 (رات) سے 21 دسمبر کے دوران مری اور گلیات میں تیز ہواؤں اور گرج چمک کے ساتھ بارش اور پہاڑوں پر برفباری کی توقع۔ جبکہ 20 اور 21 دسمبر کو سرگودھا، خوشاب، فیصل آباد، حافظ آباد، گوجرانوالہ، منڈی بہاؤالدین، گجرات، سیالکوٹ، نارووال، لاہور، شیخوپورہ، ملتان، جھنگ، ڈی جی خان اور ٹوبہ ٹیک سنگھ میں مطلع ابر آلود رہنے کے ساتھ بوندا باندی متوقع۔

سندھ:

19 / 20 دسمبر کے دوران صوبے کے بیشتر علاقوں میں مطلع جزوی ابر آلود تا ابر آلود رہنے کا امکان۔

ممکنہ اثرات اور احتیاطی تدابیر:

• 20 سے 22 دسمبر کے دوران برفباری کے باعث ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، مری، گلیات، وادی نیلم، باغ، پونچھ اور حویلی میں سڑکوں کی بندش اور پھسلن کے باعث ٹریفک کی روانی متاثر ہونے کا خدشہ۔
• بالائی خیبر پختونخوا، کشمیر اور گلگت بلتستان کے پہاڑی علاقوں میں لینڈ سلائیڈنگ / برفانی تودے گرنے کا خطرہ۔
• بارش اور برفباری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت۔
• اس دوران پنجاب کے وسطی و جنوبی علاقوں اور بالائی سندھ میں سموگ / دھند برقرار رہنے کا امکان۔

تازہ ترین معلومات کے لیے: PMD ویب سائٹ، پاک ویدر ایپلی کیشن