محکمہ موسمیات کے مطابق ایک کمزور مغربی لہر 04 (رات) سے 05 دسمبر کے دوران ملک کے شمالی علاقوں پر اثرانداز ہونے کا امکان ہے۔ گلگت بلتستان، کشمیر اور بالائی خیبر پختونخوا (دیر، چترال، سوات، کوہستان، شانگلہ، بٹگرام) میں مطلع ابر آلود رہنے کے ساتھ پہاڑوں پر ہلکی بارش/برفباری کی توقع ہے۔ ملک کے دیگر حصوں میں موسم سرد اور خشک رہے گا۔ پنجاب (سیالکوٹ، نارووال، لاہور، شیخوپورہ، گوجرانوالہ، گجرات، جہلم، فیصل آباد، ساہیوال، ملتان، خانیوال، لیہ، کوٹ ادو اور بہاولپور) اور خیبر پختونخوا (پشاور، صوابی، مردان، ڈی آئی خان) کے میدانی علاقوں میں رات اور خصوصاً صبح کے وقت سموگ/دھند برقرار رہنے کی توقع ہے۔

ممکنہ اثرات:

• پنجاب اور خیبر پختونخوا کے میدانی علاقوں میں سموگ/دھند کے باعث ذرائع آمدورفت متاثر ہونے کا خدشہ۔

• برفباری کے باعث بابوسر اور گردونواح میں سڑکیں بند ہونے اور پھسلن کا امکان ہے۔

• آئندہ چند روز میں بالائی علاقوں میں درجہ حرارت میں 01 سے 03 ڈگری سینٹی گریڈ کمی متوقع ہے۔

تازہ ترین معلومات کے لیے: محکمہ موسمیات | پاک ویدر ایپ