محکمہ موسمیات کے مطابق 29 اگست سے بحیرہ عرب اور خلیج بنگال سے مون سون ہوائیں شدت کے ساتھ ملک کے بالائی علاقوں میں داخل ہوں گی۔ 30 اگست سے مغربی ہواؤں کا سلسلہ بھی ملک کے بالائی اور وسطی علاقوں میں داخل ہونے کا امکان ہے۔ جس کے زیر اثر:

کشمیر / گلگت بلتستان:

29 اگست سے 02 ستمبر کے دوران کشمیر (وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) میں تیز ہواؤں اور گرج چمک کے ساتھ وقفے وقفے سے اکثر مقامات پر بارش جبکہ کہیں کہیں موسلادھار / شدید موسلادھار بارش کا امکان۔ 30 اگست سے 01 ستمبر کے دوران گلگت بلتستان (دیامیر، استور، غذر، سکردو، ہنزہ، گلگت، گانچھے، شگر) میں تیز ہواؤں اور گرج چمک کے ساتھ بارش اور چند مقامات پر موسلادھار بارش کی توقع۔

خیبر پختونخوا:

29 اگست سے 01 ستمبر کے دوران دیر، چترال، سوات، کوہستان، شانگلہ، بٹگرام، مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، کوہاٹ، پشاور، چارسدہ، نوشہرہ، مردان، صوابی، خیبر، اورکزئی، کرم، ہنگو، کرک، بنوں، لکی مروت، وزیرستان، ٹانک اور ڈیرہ اسماعیل خان میں گرج چمک کے ساتھ وقفے وقفے سے بارش جبکہ چند مقامات پر موسلادھار / شدید موسلادھار بارش کی توقع۔

پنجاب / اسلام آباد:

29 اگست سے 02 ستمبر کے دوران اسلام آباد/راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، لاہور، قصور، شیخوپورہ، سیالکوٹ، نارووال، میانوالی، خوشاب، سرگودھا، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد اور ساہیوال میں گرج چمک کے ساتھ وقفے وقفے سے بارش جبکہ کہیں کہیں موسلادھار / شدید موسلادھار بارش کی توقع۔ 29 اگست (رات) سے 02 ستمبر کے دوران ڈی جی خان، بھکر، لیہ، ملتان، بہاولپور، بہاولنگر، راجن پور اور رحیم یار خان میں بھی گرج چمک کے ساتھ بارش اور چند مقامات پر موسلادھار بارش کا امکان۔

سندھ:

30 اور 31 اگست کو مٹھی، تھرپارکر، سکھر، لاڑکانہ، جیکب آباد، دادو اور عمرکوٹ میں گرج چمک کے ساتھ بارش کا امکان۔

بلوچستان:

30 اگست سے 01 ستمبر کے دوران بارکھان، موسیٰ خیل، لورالائی، سبی، ژوب، قلات اور خضدار میں گرج چمک کے ساتھ بارش اور چند مقامات پر موسلادھار بارش کا امکان۔

ممکنہ اثرات اور احتیاطی تدابیر:

• 29 اگست (رات) سے 01 ستمبر کے دوران شدید بارشوں کے باعث کشمیر، مری، گلیات، اسلام آباد/راولپنڈی، شمال مشرقی پنجاب، چترال، دیر، سوات، شانگلہ، بونیر، کوہستان، مانسہرہ، ایبٹ آباد، چارسدہ، نوشہرہ، صوابی اور مردان کے ندی نالوں میں طغیانی کا خطرہ۔
• 29 اگست (رات) سے 01 ستمبر کے دوران اسلام آباد/راولپنڈی، گوجرانوالہ، لاہور، سیالکوٹ، فیصل آباد، پشاور، نوشہرہ اور مردان کے نشیبی علاقوں کے زیر آب آنے کا خدشہ۔
• شدید بارشوں کے باعث خیبرپختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ اور ٹریفک میں رکاوٹ کا خطرہ۔
• آندھی، گرج چمک اور بارش کے باعث کمزور انفراسٹرکچر (کچے گھر، دیواریں، بجلی کے کھمبے، بل بورڈز، گاڑیاں، سولر پینل) کو نقصان کا اندیشہ۔
• مسافروں اور سیاح حضرات کو محتاط رہنے، سفر سے پہلے موسمی صورتحال معلوم کرنے اور احتیاطی تدابیر اختیار کرنے کی ہدایت۔

نوٹ: تمام متعلقہ اداروں کو "الرٹ" رہنے اور کسی بھی ناخوشگوار واقعے سے بچنے کے لیے فوری اقدامات کی ہدایت کی جاتی ہے۔

تازہ ترین معلومات کے لیے وزٹ کریں: PMD Website, پاک ویدر ایپ۔