محکمہ موسمیات کے مطابق وسطی/جنوبی پنجاب، سندھ اور بلوچستان کے کچھ حصوں میں درجہ حرارت معمول سے 04 سے 07 ڈگری سینٹی گریڈ زیادہ رہنے کا امکان ۔

08 تاریخ کی(شام/رات) سے ملک کے بالائی علاقوں میں ایک مغربی ہواؤں کا سلسلہ داخل ہو گا۔جو کہ 11 اپریل تک موجود رہے گا۔ اس موسمی نظام کے زیر اثر:

• 08اپریل (شام/رات) سے11 اپریل کے دوران: چترال، دیر، سوات، شانگلہ، کوہستان، مانسہرہ، ایبٹ آباد، بٹگرام، بونیر، کرم، باجوڑ، مہمند، اورکزئی، مری، گلیات، گلگت بلتستان (دیامیر، استور، غذر، اسکردو، ہنزہ، گلگت، گانچی اورشگر) ، کشمیر (وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) میں وقفے وقفے سے تیز ہواؤں/ آندھی اور گرج چمک کے ساتھ بارش کا امکان ہے۔ اس دوران خطہ پوٹھوہار (اسلام آباد/راولپنڈی، اٹک، چکوال، تلہ گنگ، میانوالی اور جہلم) اور شمال مشرقی پنجاب( حافظ آباد، گوجرانوالہ، منڈی بہاؤالدین، گجرات، سیالکوٹ، نارووال، لاہور اور شیخوپورہ) میں آندھی اور گرج چمک کے ساتھ بارش کی توقع۔ اور چند مقامات پر ژالہ باری بھی ہوسکتی ہے۔

• اس دوران پنجاب، خیبر پختونخواہ اور بالائی سندھ کے میدانی علاقوں میں گرد آلود ہوائیں /آندھیچلنے کی بھی توقع ہے۔

ممکنہ اثرات اور احتیاطی تدابیر:

• بڑھتے ہوئے درجہ حرارت کی وجہ سے وسطی اور جنوبی علاقوں میں عوام الناس بالخصوص بچوں، خواتین اور بزرگ شہریوں کو احتیاطی تدابیر اختیار کرنے کا مشورہ۔
• دن کے دوران دھوپ میں کم سے کم نکلا جائے۔ اور پانی کا زیادہ استعمال کریں۔
• کاشت کار حضرات اپنی فصلوں کے معاملات موسمی حالات کے مطابق ترتیب دیں۔ اور اپنے جانوروں کو گرم موسم سے محفوظ رکھیں۔
• پانی کو انتہائی احتیاط کے ساتھ استعمال کریں۔
• آندھی اور گرج چمک کے دوران کمزور سٹرکچر مثلاً بجلی کے کھمبے ، درخت، گاڑیاں اور سولر پینل متاثر ہونے کا خدشہ۔

نوٹ

تمام متعلقہ اداروں کو ” الرٹ “رہنے اور خصوصا پہاڑی علاقوں میں کسی ناخوشگوار واقعہ سے بچنے کے لیے تمام ضروری اقدامات کرنے کی ہدایت کی جاتی ہے۔

تا زہ ترین معلو مات کے لئے https://www.pmd.gov.pk