محکمہ موسمیات کے مطابق 01 مئی سے مغرابی ہواؤں کا سلسلہ ملک کے مغربی علاقوں میں داخل ہوگا۔ جو کہ05 مئی تک موجود رہے گا۔ جس کے باعث۔
- 01 مئی سے 03 مئی کے دوران چاغی،نوشکی،کوئٹہ، چمن، پشین، قلعہ عبداللہ، لورالائی، مستونگ، ژوب،زیارت، قلات، سبی، نصیر آباد ، بارکھان ،لاڑکانہ، جیکب آباد، سکھر، راجن پور،ڈیرہ غازی خان، لیہ ، بھکر، ملتان، خانیوال، ساہیوال، اوکاڑہ، پاکپتن، بہاولنگر، بہاولپور اور رحیم یار خان میں تیز ہواؤں اور گرج چمک کے ساتھ بارش کا امکان۔
- 01 اور 02 مئی کو کراچی، حیدر آباد، شہید بینظیر آباد، میر پور خاص ٹھٹہ اور بدین میں گرد آلود ہوائیں/آندھی چلنے کی بھی توقع۔
- 02 سے 04 مئی کے دوران ڈیرہ اسماعیل خان، بنوں، لکی مروت، وزیرستان، مری، گلیات، اسلام آباد، راولپنڈی، اٹک، چکوال، جہلم، میانوالی، خوشاب، سرگودھا، فیصل آباد، ٹوبہ ٹیک سنگھ ، جھنگ،شیخوپورہ ، لاہور، حافظ آباد، گوجرانوالہ، سیالکوٹ، نارووال اور گجرات میں گرد آلود ہواؤں / آندھی اور گرج چمک کے ساتھ ہلکی بارش کی پیشگوئی۔
- 01 سے 05 مئی کے دوران چترال، دیر، سوات، شانگلہ، بونیر، کوہستان، مانسہرہ، ایبٹ آباد، ہری پور، صوابی، نوشہرہ، مردان، چارسدہ، پشاور، کوہاٹ، کرم، گلگت بلتستان (دیامیر،گلگت، غذر، استور ، اسکردو )، کشمیر (مظفر آباد، نیلم ویلی، راولاکوٹ، باغ، حویلی،کوٹلی، بھمبر، میرپور، سری نگر، بارہ مولہ، شوپیاں، اننت ناگ اور لہہ )میں تیز ہواؤں اور گرج چمک کے ساتھ بارش کا امکان۔
ممکنہ اثرات:
- آندھی/تیز ہواؤں کے باعث01 اور 02 مئی کے دوران بلوچستان اور سندھ جبکہ 02 سے 03 مئی کے دوران خیبر پختو نخوا، اسلام آباد، پنجاب اورکشمیر میں کمزور اسٹرکچرز کو نقصان کا خطرہ۔
- دن کے درجہ حرارت میں 04 سے 06ڈگری سینٹی گریڈکمی کا امکان۔
- 02 سے05 مئی کے دوران گلگت بلتستان میں لینڈ سلائیڈنگ کا خطرہ۔
نوٹ: تمام متعلقہ اداروں کو الرٹ رہنے کی ہدایت۔
