محکمہ موسمیات کے مطا بق مغربی ہوائیں شمالی بلوچستان کے علاقوں میں 06 جنوری (شام/رات) سے داخل ہو رہی ہے۔ جو ویک اینڈ کے دوران ملک کے بالائی علاقوں پر اثر انداز ہو نگی ۔ جس کے باعث :

• 07 اور 08 جنوری کے دوران کوئٹہ، ژوب، بارکھان، زیارت، نوکنڈی، دالبندین، ہرنائی، قلعہ سیف اللہ، قلعہ عبداللہ ، چمن اور پشین میں ہلکی سے درمیانی بارش اور پہاڑوں پر برفباری کا امکان ۔
• 07 سے 09 جنوری کے دوران ، مری، گلیات ،کشمیر(وادی نیلم، مظفر آباد، پونچھ، ہٹیاں،باغ،حویلی،سدھنوتی، کوٹلی،بھمبر،میر پور)، گلگت بلتستان(دیامیر، استور، غذر، اسکردو، ہنزہ، گلگت، گا نچھے، شِگر)، چترال، دیر، سوات، مالاکنڈ، کوہستان، مانسہرہ اورایبٹ آباد میں درمیانی بارش اور پہاڑوں پر برفباری کا امکان۔
• ویک اینڈ کے دوران اسلام آباد، خطۂ پوٹھوہار ، چارسدہ، باجوڑ،کرم، وزیرستان اور کوہاٹ میں ہلکی بارش کی توقع۔

ممکنہ اثرات:

• بارش بارانی علاقوں میں کھڑی فصلوں کے لیے فائدہ مند ثابت ہوگی۔
• اس دوران دھند کی شدت میں کمی کا امکان۔
• بارش کے باعث دن کے درجہ حرات میں 05 سے 07 ڈگری سینٹی گریڈ کمی کا امکان۔
• برفباری پہاڑی علاقوں میں گاڑیوں کی آمد ورفت میں خلل کا باعث بن سکتی ہے۔
• اس دوران گلگت بلتستان اور کشمیر میں لینڈ سلائیڈنگ کے باعث آمدو رفت میں رکاوٹ کا اندیشہ۔

نوٹ: تمام متعلقہ اداروں کو اس دوران محتاط رہنے کی ہدایت کی جاتی ہے۔